fbpx
Thursday, August 6, 2020
Më e mira e shqiptarëve


VIDEO/Pamje të kristalta nga lumi i Shalës, ‘Tajlanda shqiptare” mes alpeve

By Albanicum , in ATSH Turizëm , at 11/07/2020

TIRANË, 11 korrik/ATSH/- I cilësuar si një “parajsë e vogël”, lumi i Shalës në liqenin e Komanit është kthyer në një nga destinacionet më tërheqëse lumore të Alpeve Shqiptare për turistët vendas e të huaj.

Për shkak të bukurisë mahnitëse dhe natyrës së paeksploruar, lumi i Shalës është përfshirë edhe në guidat e agjencive turistike.

Kryeministri Edi Rama ka publikuar pamje nga lumi i Shalës i cili vitet e fundit është bërë pika më e frekuentuar në veriun e Shqipërisë.

“MIRËMËNGJES, dhe me këto pamje të kristalta nga lumi i Shalës, ju uroj një fundjavë të mbarë”, shprehet Rama me pamjet mahnitëse të kësaj zone.

Në një udhëtimi nga kryeqyteti deri në Koman që zgjat rreth 3 ore, i izoluar nga majat e larta, rrjedha e vrullshme e ujit të kaltër të Shalës, kjo zonë u ofron aventurierëve një panoramë nga ato që sipas turistëve të huaj ngjajnë me Tajlandën e largët.

Aventurierët e natyrës mund të shijojnë eksplorimin e zonës me varkë, ngjitjen në majat përreth me pamje spektakolare si dhe zhytjen në ujin e freskët të lumit të Shalës.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.Lexoje te ATSH